Dal libro di Franca Colombo "Poesie Contadine", edizioni "Il Ponte 1985" - Associazione per il Parco Sud Milano.
La Primavera la riva a Milan
de Porta Cicca giò a Palazz Marin,
la riva giò di campà gn del Binaschin
cont on mazzet in man de fior tutt pass
cattaa adree al Navili Paves,
la vegn tutta stremida in del Palazz
insèma a on boff de vent solforos
in mèzz al bordelleri de'l Consili
e la sguagnìss cont on fil de vos:
- Desmettéla vialter Consiler
e Luu, scior Sindegh de Milan,
de vosà come di occh padòan,
desmettéla de fà 'sto furugozz
e vegnì foeura tucc cont mì a brascètt
a Ciaravà ll, a Bagg o là al Ronchètt
a s'ciarì l'acqua di foss o a piantà i pobbi
adree al Redefoss o la Vettabia,
la vostra rabbia, sù, s'giachéla via
insèma a quèj montà gn de strigozz
che imbruttissen la periferia.
Desvergévess, o gent, devess de fà :
la Primavera se no la morarà
o pur la sgorarà lontan lontan
come ona rondin foeura de Milan.
Poeu la và cont el sò boff tutt solforos
ma nissun l'ha sentìi quell fil de vos -.
1989